នគរបាលក្រុងតាខ្មៅបង្ក្រាបឃាត់ខ្លួនបុរស២នាក់ករណី រក្សាទុកដោយខុសច្បាប់នូវសារធាតុញៀន
កណ្តាល ៖ បុរស២នាក់ត្រូវបានសមត្ថកិច្ចនគរបាលក្រុងតាខ្មៅ បង្ក្រាបឃាត់ខ្លួនពាក់ព័ន្ធករណីរក្សាទុកដោយខុសច្បាប់នូវសារធាតុញៀន។
ប្រតិបត្តិការនេះសមត្ថកិច្ចបានធ្វើនៅថ្ងៃទី១៨ ខែឧសភា ឆ្នាំ២០២១ វេលាម៉ោង២១:០០នាទី នៅចំណុចផ្លូវបេតុងភូមិកំពង់សំណាញ់១ សង្កាត់កំពង់សំណាញ់ ក្រុងតាខ្មៅខេត្តកណ្តាល ។
ជនសង្ស័យឈ្មោះ ម៉េត ម៉ុច ភេទប្រុស អាយុ៣៧ឆ្នាំ រស់នៅភូមិខ្ពបវែង សង្កាត់កំពង់សំណាញ់ ក្រុងតាខ្មៅខេត្តកណ្តាល មុខរបររើសអេតចាយ និងឈ្មោះ ង្វៀង យុងម៉ី (វៀតណាម) ភេទប្រុស អាយុ៣១ឆ្នាំ រស់នៅភូមិថ្មី២ សង្កាត់តាខ្មៅ ក្រុងតាខ្មៅ ខេត្តកណ្តាល មុខរបររើសអេតចាយ ។
វត្ថុតាងចាប់យករួមមាន ម្សៅក្រាមសថ្លា សង្ស័យសារធាតុញៀន ចំនួន០២កញ្ចប់, រ៉ឺម៉កម៉ូតូ១គ្រឿង មិនមានស្លាកលេខ ។
បច្ចុប្បន្ន ជនសង្ស័យ រួមនឹងវត្ថុតាងត្រូវបានបញ្ជូនមកផ្នែកជំនាញ នៃអធិការដ្ឋាននគរបាលក្រុងតាខ្មៅ ដើម្បីកសាងសំណុំរឿងអនុវត្តបន្តតាមនីតិវិធី៕
